طاقة اللاشيء والكارثة الفراغية

في مقال سابق ‫(‫‫هنا)‫ إتكلمنا علي الثابت الكوني وكيف إنه أفضل التفسيرات الموجودة لتسارع الكون‫.‫ ملخص الكلام إن الكون بتاعنا بيتمدد بدرجة متسارعة يعني بيزيد في تمدده ‫كل لحظة ‫، ودي مشكلة لأن معني كدة إن فيه طاقة مجهولة في الفضاء ‫، بيسموها ‫"‫الطاقة المظلمة‫"‫ ‫، بتعكس تأثير الجاذبية إلي بتحاول تصغر الكون ‫، وبتزيد عليها و‫"‫بتزق‫"‫ الكون وتزيده تمدداً‫.‫

السؤال بقي هو إيه مصدر الطاقة المظلمة دي‫؟

هل هي نوع جديد من الطاقة ما نعرفوش‫؟ هل هي قوة خامسة ‫(‫‫شوف الأربعة الأولانيين هنا)‫‫؟ هل هي حاجة إحنا عارفينها بالفعل بس مش فاهمين تطبيقها إيه علي الكون كله‫؟

الحقيقة السؤال ده لسة مالوش إجابة قطعية مية في المية ‫، ولكن هناك شبه إتفاق إن أفضل المرشحين للطاقة الكونية هو حاجة إسمها ‫"‫طاقة الفراغ‫"‫ أو ‫"‫طاقة اللاشيء‫"‫

Vacuum energy

ومن أسماءها أيضاً ‫"‫‫طاقة الصفر"‫

Zero point energy

الطاقة العجيبة دي مرشحة لأن تكون هي الطاقة المظلمة المتسببة في تسارع الكون ‫، لأن هذا النوع من الطاقة ‫، إلي حنتكلم عنه حالاً ‫، هو الوحيد المعروف لينا له الخواص المطلوبة‫.‫

طيب إيه  بقي حكاية طاقة الفراغ دي‫؟ الفراغ ليه طاقة إزاي يعني‫؟ أمال يبقي فراغ إزاي‫؟

الموضوع بيرجع لميكانيكا الكم ولنظريات المجال الكمية‫‫.‫ من الخواص العجيبة لميكانيكا الكم هو إن كل ظاهرة فيزيائية تأتي في صورة ‫"‫كميات‫"‫ محددة‫.‫ بمعني ‫، كمثال تخيل معايا إنك جبت كباية مليانة مية ودلقتها علي إيدك‫.‫ المية بالنسبالك عبارة عن مادة ‫"‫مستمرة‫"‫

Continuous

تبدو ليك وليا كما لو كان لا مكونات لها ‫، وإنك لو حبيت تقلل كمية المية تقدر تقللها إلي مالا نهاية وستظل مية زي ماهي إلي أن تنتهي تماماً‫.‫ لكن إحنا عارفين إن ده مش حقيقي ‫، الواقع إن المياه مكونة من جزيئات صغيرة جداً وإنك لو قعدت تقلل كمية المياه إلي في إيدك ستصل إلي مستوي لا تستطيع فيه التقليل أكثر من ذلك ‫، مستوي الجزيئات‫‫.‫

ده شيء معروف لأي طالب ثانوي ‫‫، لكن الشيء المذهل إن هناك ظواهر أخري في الدنيا أيضاً مكونة من كميات ضئيلة جداً ولكن ليست لامتناهية في الصغر ‫، منها الطاقة مثلاً‫.‫ ميكانيكا الكم تعلمنا إن هناك كمية أقل للطاقة لا نستطيع أن تقل عنها‫ ‫(‫‫وده مصدر الإسم ‫، ميكانيكا الكم أو الميكانيكا الكمية)‫.‫ يعني مافيش حاجة إسمها الطاقة تساوي صفر‫.‫ حتي في الفراغ إلي المفروض مافيهوش حاجة خالص‫ ‫، فراغ ‫، لا شيء ‫، ومع ذلك يحتوي علي طاقة ‫، صحيح قليلة جداً لكنها موجودة‫.‫ هي دي طاقة الفراغ‫.‫

الكلام ده مش نظري ‫، هذه الطاقة تمت دراستها معملياً مئات المرات ‫، وأشهر التجارب إلي إتعملت عليها تجربة قام بيها واحد إسمه كازيمير

Casimir

إذاً هذه الطاقة موجودة في الكون بين المجرات والأجرام‫ بكميات كبيرة.‫ ومن خصائصها زي ما قلنا إنها بتشتغل عكس الجاذبية وتتسبب في دفع الكون وتسارعه‫.‫ ولذلك الطاقة الفراغية دي هي المرشح الرئيسي للطاقة المظلمة‫.‫

بس فيه مشكلة‫.‫ مشكلة من كتر ماهي مشكلة الناس سموها أسوأ تنبؤ في تاريخ الفيزياء‫.‫ المشكلة إن كم طاقة اللاشيء الموجودة في الفراغ وتم حسابه بإستخدام ميكانيكا الكم وتم قياسه في المعامل أكبر بكتير جداً جداً جداً من الطاقة المطلوبة لتسارع الكون‫ ‫، يعني أكبر بكتير من الثابت الكوني إلي تم رصده.‫ والفرق بينهم كبير بحيث من المستحيل تفسيره علي إنه خطأ في التجارب أو الرصد‫.‫ فرق مهول‫‫ (‫‫حاجة بتاعة واحد وجنبها مئة صفر!‏!‏!‏ متخيل الرقم‫؟)‫.‫ المشكلة دي معروفة في الأوساط العلمية بإسم ‫"الكارثة الفراغ‫ية"‫

The vacuum catastrophe

و أحياناً ‫"‫مشكلة الثابت الكوني‫"‫

The cosmological constant problem

طيب نعمل إيه‫؟ مانقدرش نقول إن طاقة اللاشيء لا وجود لها لأن قياسها تم معملياً بالفعل ‫، ومانقدرش نقول إنها موجودة ولكنها ليست مصدر تسارع الكون لأن معني كدة إن هناك شيء يلغيها بالكامل ويتبقي عندنا مشكلتين‫: الأولانية‫: ماذا يلغي طاقة اللاشيء ‫، والثانية هي نفس المشكلة الأصلية‫ ماحليناهاش: لماذا يتسارع الكون‫.‫
 الحل المنطقي إذاً هو أن طاقة اللاشيء هي بالفعل مصدر تسارع الكون ‫، لكن هناك شيء ما أخر مجهول يقلل منها كثيراً ولكن لا يلغيها بالكامل‫ ‫، فيتبقي منها فقط ما يكفي لتفسير المعدل الحالي لتسارع الكون.‫ وإلي بيخلي الكلام ده منطقي أكثر بالنسبالي أنا علي الأقل هو إن هناك فترة في تاريخ الكون حصلت بعد الإنفجار العظيم مباشرة إسمها فترة ‫"‫التضخم‫"‫

Inflation

تمدد فيها الكون بمعدل تسارع ضخم جداً ‫، كما لو كانت طاقة الفراغ وقتها كانت مسيطرة بالكامل ‫، بدون أن يلغيها شيء لمدة كسر من الثانية ‫، وبعدين فيه حاجة إبتدت تأثر عليها وتلغيها‫ ‫، وإنخفض تسارع التمدد جداً إلي المعدلات الحالية.‫ من المنطقي إذاً إن طاقة الفراغ تكون مسئولة عن تمدد الكون في جميع مراحله‫.‫ الكلام الأخير ده عن التضخم هو رأيي الشخصي علي فكرة ‫، وهو جزء من إهتمامي البحثي ‫(‫‫ليا بحثين في الموضوع ده لغاية دلوقتي ‫، هنا وهنا - شوية دعاية شخصية بقي ‫، هو أنا يعني مالياش نفس‫؟)‫‫.‫
‫(‫ملحوظة جانبية‫: التضخم كان من السرعة بحيث أن حجم الكون تضاعف 100000000000000000000000000 مرة ‫، 26 صفر ‫، في فترة زمنية لا تزيد عن 0.00000000000000000000000000000000001 من الثانية ‫، 34 صفر ‫، تقريباً‫.‫ ركز كدة‫.‫ إنت متخيل الأرقام دي‫؟‫)‫

عموماً أياً كان الحل فمافيش شك إن إحنا في مرحلة عظيمة في تاريخ العلم ‫، إحنا بندرس الكون كله علي بعضه ‫‫، بنحاول نعرف أصلنا وفصلنا ‫، جينا منين ورايحين فين ‫، وليه وإزاي ، فيه حاجة أحسن من كدة‫؟

 

 

 

 

 

غلطة أينشتاين

عنوان غريب مش كده‫؟

عنوان يمكن غير متوقع لمقال أنا كاتبه ‫، لأني لطالما هاجمت من يدعون أنهم إكتشفوا أخطاء في نظريات أينشتاين ‫، فجاي النهارده أكتب مقال عنوانه ‫"‫غلطة أينشتاين‫"‫‫؟

أنا يمكن إتجننت‫؟

وارد طبعاً إني أكون مجنون ‫(‫‫حتي إسألوا المدام)‫ ‫، بس مش بسبب المقال ده ‫، المقال النهاردة مش علي تحطيم النسبية علي يد طالب ثانوي ‫، المقال النهاردة عن غلطة حقيقية إرتكبها أينشتاين ورجع هو نفسه تداركها‫.‫ ده مش بس كده ده كمان سماها ‫"‫غلطتي الكبيرة‫"‫

My biggest blunder

أه طبعاً ‫، أينشتاين ماهواش إله ‫، أكيد كان بني أدم وبيغلط ‫، ولكن الفرق بين العالم الحقيقي وبين المزيف هو إن العالم الحقيقي أول من يعترف بخطأه ‫، بل أحياناً كمان يكون سعيد بذلك لأن هدفه ليس إعلاء رأيه ولكن هدفه هو الوصول للحقيقة‫.‫

طب إيه رأيك عزيزي القاريء إن مش بس أينشتاين غلط ورجع في كلامه ‫، ده الألعن من كده إن بعد خمسين سنة من وفاة أينشتاين إكتشف العلماء إن غلطة أينشتاين الكبيرة ما كانتش غلطة في الأصل ‫، لكن الغلطة الحقيقية هي في تدارك ‫.‫‫.‫‫.‫‫.‫‫.‫ ‫"‫الغلطة‫"‫‫.‫ يعني بإختصار أينشتاين عمل حاجة معينة ‫، رجع بعد كدة شالها وقال سوري كانت غلطة ‫، لكن إحنا النهاردة بنعتقد إن الحاجة دي ما كانتش غلطة من الأصل!‏!‏

حدوتة كبيرة ‫،  وموضوع مهم ‫، ومن أهميته بيأثر في فهمنا للكون كله علي بعض‫.‫

الحكاية كالأتي‫: أينشتاين في سنة 1916 نشر نظرية النسبية العامة ‫، وهذه النظرية ‫، زي ما أوضحنا هنا ‫، بتحدد شكل الزمان والمكان ‫، أو ما يسمي ‫"‫الزمكان‫"‫ ‫، طبقاً لوجود المادة فيه‫. ومن ضمن أهم معادلات هذه النظرية ‫، معادلة إسمها ‫"‫معادلة أينشتاين للمجال‫"‫

Einstein's field equation

والمعادلة تركيبها الرياضي كالتالي‫:

سهلة مش كده‫؟ الحقيقي هي مش سهلة لكن شكلها كدة بس‫.‫ عموماً مايهمنيش دلوقتي نفهم تفاصيل هذه المعادلة أو إزاي تتحسب ‫، كل إلي يهمني معناها العام.‫ علي يسار المعادلة يوجد الكمية G وإسمها ‫"‫تنسور أينشتاين‫"‫

Einstein's tensor

 وهي كمية بتحدد شكل الزمكان إذا كان مستوي أو منحني وماهي مقدار إنحناءه‫.‫

وعلي اليمين نري الكمية T وإسمها ‫"‫تنسور الطاقة والزخم‫"‫

Energy momentum tensor

وهي كمية بتحدد محتوي الزمكان من مادة وطاقة‫.‫ مش مهم التفاصيل ومش مهم يعني إيه تنسور ‫، المعني العام فقط هو إلي يهمني ‫، ومعني المعادلة كالتالي‫:
الفراغ الزمكاني من حولنا ينحني ويتقوس بوجود المادة والطاقة ‫، كما شرحنا في السابق ‫، ومقدار إنحناءه G يتساوي مع محتوي الطاقة والمادة الموجودة T‫

 يعني إيه‫؟ يعني لو مافيش مادة خالص ‫، بمعني

يصبح الفراغ مستوياً وغير منحنياً‫:

ولو فيه مادة بمقدار T ‫، ينحني ويتقوس الفراغ بمقدار G

حلو الكلام‫؟

كلام جميل‫.‫

جه أينشتاين بقي قالك إيه‫؟ قالك أنا ممكن أطبق المعادلة بتاعتي دي علي زمكان الكون كله علي بعضه‫.‫ إحنا عندنا تقدير لشكل المادة والطاقة في الكون ولذلك عندنا تقدير للكمية T بتاعة الكون كله ‫، نقدر نحط T في المعادلة ونحسب الكون شكله عامل إيه‫.‫

‫(‫ملحوظة جانبية‫: واخد بالك عزيزي القاريء من قوة رياضيات النسبية؟‫؟ الراجل مسك ورقة وقلم وقعد يحسب شوية حسابات يستنتج منها الكون كله ‫، كله ‫، كووووووله ‫، شكله إيه‫!‏!‏ ده إيه العظمة دي يا عم أينشتاين ‫، أتاريهم عايزين يحطموك يا أخي‫.‫ ما علينا ‫، نرجع لموضوعنا‫)‫

أينشتاين بعد ما عمل حساباته إكتشف حاجة غريبة جداً ‫، إكتشف إن معادلاته بتقول إن الكون مستحيل يكون ثابت ‫، لازم يكون متحرك ‫، يعني لازم يكون إما بيتمدد وبيزداد إتساع ‫، أو بينكمش وبيزداد ضيق ‫، لكن المعادلات كانت واضحة وصريحة إنه مستحيل يكون الكون بتاعنا ثابت في الحجم!‏

أياميها الموضوع ده ما عجبش ‫عمك ألبرت ، كان حاسس إنه مش منطقي ‫، ومافيش أي دليل فلكي بيقول إن الكون بيتمدد أو بينكمش ‫، فأينشتاين قالك يبقي المعادلة بتاعتي غلط ‫، أكيد ناقصها حتة‫.‫ طيب إيه الحتة إلي لو أضفتها للمعادلة تكون النتيجة كون غير متحرك‫؟ لقي إن التعديل لازم يكون كالأتي‫:

بإضافة الكمية ، وهي حرف يوناني ينطق ‫"‫لامدا‫"‫

Lambda

والb ساكنة‫.‫ الكمية ‫"‫لامدا‫"‫ دي كمية ثابتة ‫، أطلق عليها أينشتاين إسم ‫"‫الثابت الكوني‫‫"‫

Cosmological constant

وماكانش عارف قيمتها إيه ‫، لكن كان عارف إن معادلته محتاجاها علشان لما ييجي يحسب شكل الكون يطلع ثابت وغير متحرك‫.‫ أما معناها الفيزيائي فهو إن فيه كمية مادة أو طاقة إضافية معينة بتعمل إتزان للكون وبتلغي أو بتقلل تأثير المادة والطاقة العادية المتمثلة في T ‫، فينتج عن ذلك إتزان ولا يتمدد الكون ولا ينكمش ولكن يظل حجمه ثابتاً‫.‫ صحيح هو إتزان غير مستقر ‫، يعني علي الحركرك كده زي كرة شايلها بطرف صباعك

لكنه إتزان ‫، وأحسن من مافيش ‫، كما فكر أينشتاين‫.‫

خلي بالك الكلام ده كله كان حوالي سنة 1917‫

إلي حصل بقي إن حوالي سنة 1929 جه واحد فلكي ‫(‫‫بتاع علم الفلك الastronomy ، مش فلكي يعني بيقرا البخت)‫ إسمه إدوين هابل

Edwin Hubble

وإكتشف عن طريق الرصد إن الكون بتاعنا ككل ليس ثابتاً ‫، ولكنه في الواقع يتمدد ‫، وتتباعد المسافات بين مجراته وأجرامه‫.‫

أوپاااااااا

يعني تنبؤ معادلات أينشتاين الأصلي كان صح ‫، والثابت الكوني ماكانش ليه لازمة‫.‫

طبعاً أينشتاين علشان عالم محترم تقبل النتيجة وجري علي معادلاته ورمي الثابت الكوني في الزبالة ‫، ورجع المعادلات الأصلية ‫، وقالك ‫"‫سوري يا شباب ‫، أنا غلطت ‫، أسوأ غلطة في حياتي‫"‫‫.
 خلي بالك دي مش مجرد غلطة ‫، لأ دي فرصة ضائعة كمان ‫، لأن أينشتاين لو كان وثق في معادلاته الأصلية كان تنبأ بتمدد الكون ‫، مزيداً من المجد ‫، قال يعني هو كان ناقص مجد أصلاً‫‫.‫

بس يا سيدي وعدي الزمن وعدت السنين ‫، من وقت للتاني كدة يطلع ناس يجيبوا سيرة الثابت الكوني كمجرد نوع من الغتاتة الرياضية ليس أكتر‫ ولكن الإتفاق العام كان إنه ثابت مالوش لازمة في معادلات أينشتاين‫.‫

لغاية سنة 1998 السنة إلي إكتشفنا فيها إكتشاف هز المجتمع الفيزيائي والفلكي بأكمله‫.‫
إكتشفنا سيادتك إن مش بس الكون بيتمدد ‫، لأ ده بيتسارع في التمدد ‫، يعني كل لحظة بتعدي بيتمدد زيادة‫!‏!‏

علشان تفهم غرابة هذا الإكتشاف تخيل معايا الموقف التالي‫: تصور وجود زنبرك في أخره كورة كما في الصورة‫: 

والزمبرك مسموح له يتحرك أفقياً فقط‫.‫ تخيل معايا إنك إديت الزنبرك ده دفعة لليمين‫، يعني زقيته بإيدك كدة زقة سريعة:




حيتمدد طبعاً وطوله يبتدي يزيد ‫، لكن علشان الزمبرك بيشد الكورة للشمال التمدد ده حتبقي سرعته بتقل ‫، مش بتزيد ‫، لغاية ما يتوقف ويمكن كمان يبتدي ينكمش تاني.‫ تخيل بقي إنك لاحظت إنه مش بس بيتمدد ‫، لأ ده كمان بيتسارع في التمدد ‫، وعمال يطول بسرعة وأسرع وأسرع كما لو كان فيه قوة خفية عمالة تشده!‏!‏

أهو نفس الشيء في الكون كله علي بعضه ‫، الكون بدأ في الأولي بدفعة جامدة جداً وهي ما يسمونه ‫"‫الإنفجار العظيم‫"‫

Big bang

ولذلك هو بيتمدد‫.‫ لكن من المفترض إن التمدد ده سرعته تقل ‫، لأن الأجرام السماوية بتجذب بعضها البعض زي الزمبرك وتقلل سرعة التمدد ‫، ويمكن كمان الكون يتوقف وبعدين ينكمش علي بعضه‫.‫ دي السيناريوهات المحتملة قبل سنة 1998 ‫.‫ ولذلك كان إكتشاف تسارع تمدد الكون إكتشاف عجيب ومذهل ‫، لأن في هذه الحالة لازم فيه قوة خفية مجهولة لنا بتدفع الكون وتزيد من تمدده!‏!‏

الإحتمالات بقي هنا حاجة من إتنين لا ثالث لهما‫:
إما أن نظرية أينشتاين غلط كلها علي بعضها أو علي الأقل ينقصها شيء‫.‫
إما أن هناك قوة خفية ‫، سميت في الأول بالقوة الخامسة ‫، تدفع الكون عكس إتجاه الجاذبية وتسبب تسارعه‫.‫

الإحتمال الأولاني إتدرس كتير جداً ‫، وهناك أبحاث كتيرة جداً نشرت تحاول تعديل النسبية لتعطي النتيجة المطلوبة ‫، ولسة فيه أفكار بتظهر ‫، لكن لا يوجد أي دليل علي صحتها‫.‫
الإحتمال الأرجح هو الإحتمال التاني ‫، أن هناك قوة خفية ‫، أو طاقة خفية ‫، هي السبب في تسارع الكون‫.‫ ونسميها النهاردة بإسم ‫"‫الطاقة المظلمة‫"‫

Dark energy

مش علشان هي مظلمة ‫، لكن علشان مش فاهمين مصدرها إيه لسة‫ ‫(‫‫فيه حاجة تانية إسمها ‫"‫المادة المظلمة‫"‫ Dark matter لكن دي قصة تانية مختلفة)‫‫.‫ طيب نعبر عنها رياضياً إزاي بقي الطاقة المظلمة دي‫؟ أي تخمينات‫؟

أيوه ‫.‫‫.‫‫.‫

قول كده ‫.‫‫.‫‫.‫

إتفضل ما تخافش ‫، إنت صح!‏

الله ينور عليك‫.‫ هو بعينه الثابت الكوني إلي أينشتاين رماه في الزبالة مطلوب إعادة وضعه في المعادلات تاني علشان نعبر عن تأثير الطاقة المظلمة‫.‫ أينشتاين كان عايز الثابت الكوني يعمل ثبات للكون ‫، يعني يلغي تأثير التمدد بالظبط ‫، لكن ما يبدو لنا أن الثابت الكوني بيعمل العكس تماماً ‫، ده مش بيلغي تأثير التمدد ‫، ده بيزود في التمدد ويوسع فيه زيادة‫.‫

طيب بس برضه الثابت الكوني ده أكيد ليه أصل‫.‫ أكيد هناك مصدر ليه ماهواش حاجة محطوطة كدة علشان المعادلات تطلع صح وخلاص‫.‫ أيوه ‫، ليه مصدر ‫، أو بالأصح ليه مصدر محتمل ‫، لكن دي قصة تانية لوحدها لأن فيها مشكلة تانية برضه‫.‫ نبقي نتكلم فيها بعدين‫.‫

أدي يا سيدي قصة أينشتاين وغلطته الشهيرة إلي طلعت مش غلطة لكن الغلطة هي في إفتراض إنها غلطة ‫‫:-‫)‫

كيف ولماذا نتعامل مع العلم الزائف‫؟

في مقالات سابقة تحدثنا تفصيلاً عن العلم الزائف فوضعنا قائمة ‫بالعلوم الزائفة ، وقائمة بأهم خصائص أخبار العلم الزائف ‫، ومؤخراً تحدثنا عن المنهجية العلمية الحقيقية‫.‫‫ طيب كل هذا جميل‫.‫ ولكن التساؤل الأن هو أولاً‫: ماهي أضرار العلم الزائف ‫، يعني إيه المشكلة لو سبنا إلي عايز يخرف يخرف إحنا خسرانين إيه‫؟ وثانياً‫: كيف نتعامل مع المخرفين وهل نرد عليهم‫؟

ممكن واحد يقولي سيب إلي يخرف يخرف ‫، حاطتهم في دماغك ليه‫؟
الحقيقة لازم أحطهم في دماغي ‫، وإنت كمان لازم تحطهم في دماغك ‫، لأن العلم الزائف مشكلته إنه بينتشر وبيتوغل زي النباتات البرية إلي بتنموا لوحدها في أحواض الزهور ‫، ما ينفعش أسيبها ‫، لازم أقتلعها من جذورها وأضمن إنها لا تنمو تاني ‫، وإلا الزهور حتموت ولن يتبق غير النباتات البرية‫.‫ كذلك العلم الزائف ‫، ينمو وينتشر إلي أن يسيطر علي الساحة ولا تكاد تري غيره‫.‫ ودي مشكلة قد تؤدي إلي إنهيار المنظومة الثقافية لأي دولة‫.‫
عندك الولايات المتحدة مثلاً ‫، صحيح أقوي دولة في العالم ‫، وصحيح أكتر دولة فيها حاصلين علي جائزة نوبل ‫، لكن إنزل كدة إتكلم مع الناس في الشارع حتكتشف إن النسبة الأعظم تتميز بمستوي جهل لا تتصوره في دولة مثل أمريكا ‫، والقليل منهم من يستطيع حتي أن يشير إلي مكان بلده أو ولايته في خريطة العالم‫.‫ ليه حصل كدة‫؟ لأن علي الرغم من إرتفاع مستوي العلم الحقيقي في أمريكا فأن العلم الزائف ‫منتشر جداً ، خاصة المتأثر بالثقافات الدينية الأصولية ‫، إذا صح التعبير‫.‫ وللأسف فأن الإنترنت ساهمت في ذلك‫.‫
إذا كان ده الحال في أقوي دولة في العالم فما بالك ببلد زي مصر ‫، أو منطقة زي الشرق الأوسط ‫، إلي بالفعل وصلت إلي مستويات منخفضة جداً في جودة التعليم الحكومي ‫، وأصبح الحال من البؤس إنك لكي تضمن لأطفالك مستوي تعليمي جيد يجب أن تكون من القادرين علي دفع أرقام فلكية في مدارس خاصة‫.‫ يعني من الأخر العملية مش ناقصة‫.‫ 
خلي بالك أنا مش طالب إن كل مواطن يكون عالم متفقه في أصول المنهجية العلمية ‫، كل إلي أنا طالبه إن يكون عند رجل الشارع وعي كاف للتفرقة بين الحقيقي وبين الزائف ‫، لأن إرتفاع الوعي سيؤدي بالضرورة إلي تراجع المخرفين وتقدم أصحاب العلم الحقيقي في وسائل الإعلام ‫، مم يؤدي بدوره إلي المزيد من إرتفاع الوعي الشعبي ‫، وشعب مثقف دائماً أفضل بكثير من ما عداه‫.‫

طيب دي أسباب ضرورة التعامل مع العلم الزائف ‫، نعمل معاه إيه بقي‫؟ لازم نتحرك علي مستوايين ‫، الأول هو نشر العلم الحقيقي ‫، سواء علي الإنترنت ‫، أو في الإعلام ‫، أو في المدارس والمنتديات الثقافية ‫، بل والأندية الرياضية أيضاً‫.‫ وده في حد ذاته تحدي‫ كبير.‫ لأن معظم الناس ‫يظنون أن العلوم شيء ممل ‫، ولذلك علي المثقفين إيجاد أفضل الطرق لتقريب المفاهيم وتوضيح أن العلم ليس مملاً ولكنه شيء جميل وممتع‫.‫ تحدي كبير ‫، ولكل منا دوره المتواضع في ذلك‫.‫ إكتب مقالات ‫، إعمل ڤيديوهات ‫، أنشر راية العلم الحقيقي بين أصدقاءك ومعارفك ‫، بداية صغيرة تتوسع وتنتشر‫.‫ حتي مجرد نقلك لأخبار علمية علي پروفايلك بالفيسبوك في حد ذاته مساهمة في ذلك ‫، ولا تكلفك إلا مجرد ‫"‫شير‫.‫‫"‫


المحور التاني هو فضح العلم الزائف‫.‫ ويجب أن يتم ذلك بالأسماء والتفاصيل‫.‫ ووسائل التواصل الإجتماعي علي الإنترنت ليست إلا بداية صحيحة لذلك ‫، علي أمل الإنتشار‫.‫
طيب والمخرفين أنفسهم؟ الأشخاص بذاتهم نعمل فيهم إيه‫؟ الحقيقية لا أنصح مطلقاً بمواجهة المخرفين مواجهة مباشرة‫.‫ وذلك لأسباب مختلفة ‫، أولها مثلاً أن مجرد الحوار معهم يعطيهم أهمية ‫، ويوحي للمشاهد ‫، خطأً‫ ‫، إن الحوار هنا هو حوار بين نظراء ‫، وهو ليس كذلك‫.‫ ثانياً لأن من أسلحتهم أن يتحدوك ‫، ولسان حالهم يقول إن رفضك للتحدي ليس إلا إنتصار لهم ‫، بل هم يتحدونك وهم واثقين تماماً إنك لن تستطيع هزيمتهم في الحوار ‫، ليس لأن معهم الحق ‫، ولكن للعكس تماماً ‫، لأن أرائهم غير قابلة للتفنيد!‏ فهي لا تحمل في طياتها أحد مميزات العلم الحقيقي‫: إمكانية إثبات خطؤه‫.‫ ما يسميه فلاسفة العلوم بال

Falsifiability

هذا بالإضافة إلي إن التعامل المباشر معهم لن يؤدي إلي نتيجة ‫حتي لو كانت أراءهم قابلة للتفنيد ، لأنهم في الأصل مخرفين ‫، يؤمنون بأفكارهم إيماناً مطلقاً بلا دليل ‫، ومن المستحيل تغيير رأيهم حتي ولو أثبت لهم إن كلامهم فارغ‫.‫ من الأفضل إذاً فضحهم بهدوء وبدون مواجهة‫.‫ وإذا واجهوك ‫، أو تحدوك ‫، فأفضل نصيحة هي ‫"‫لف وإرجع تاني‫.‫‫"‫ تجد عندي مثلاً في بعض كتاباتي السابقة في هذا الموضوع ‫، تحديات في التعليقات من مخرفين ‫، ولن تجد رداً مني مهما قالوا‫.‫ وهذا شيء صعب مش سهل ‫، ولكنه أفضل بكثير من تضييع الوقت معهم‫.‫

المشكلة الأخيرة في كل ذلك هي وسائل الإعلام‫.‫ للأسف الشديد نجد أمام كل صحفي متميز في عمله ‫، عشرة لا هم لهم إلا نشر الإشاعات وأخبار العلم الزائف ‫، سواء كان ذلك عن جهل منهم أو إستسهال أو مجرد مجاراه للسائد‫.‫ لكن الأمل موجود‫.‫ هناك أنوية بالفعل لرجال صحافة محترمين يهتمون بنشر العلم الصحيح‫.‫ وأمثلة مختلفة لذلك تجدها أسفل هذا الكلام في الروابط‫.‫

وأنهي كلامي بخالص تمنياتي لك عزيزي القاريء في رحلة صيد الزيف ونشر العلم‫.‫ وماتنساش تبقي تقولي عملت إيه‫.‫


أمثلة لمقالات وبرامج علمية جادة تنشر العلوم الحقيقية‫ ‫، مع خالص التحية للصحفيين المحترمين‫:


http://www.almasryalyoum.com/news/details/793060
http://www.almasryalyoum.com/news/details/776891‫
http://www.almasryalyoum.com/news/details/691215
http://www.almasryalyoum.com/interviews/details/5
http://www.almasryalyoum.com/news/details/690916
https://www.youtube.com/watch?v=TaI9SfzmapA
https://www.youtube.com/watch?v=nPEutY-nbXs