4-26-2022
لما تدخل تدي محاضرة في موضوع وانت اديت نفس المحاضرة ميت مرة قبل كدة بدرجات صعوبة مختلفة على مستوى سنة اولى ومستوى سنة رابعة ومستوى الدراسات العليا ، ومع ذلك تستمتع بيها وتشرح بexcitement ومتعة وانبهار بالموضوع (الي انت حافظه صم اصلاً) ساعتها تعرف انك اخترت تخصصك صح.
لما تصحى كل يوم الصبح وانت سعيد انك رايح الشغل ، ومتشوق انك تقعد تتكلم مع طلبتك وتكتب ابحاثك ، ساعتها اعرف انك اخترت صح. وعلي رأي مش عارف مين قال انك تشتغل في حاجة بتحبها مش شغل اصلاً.
نصيحة بقولها لكل الي بيسالني من الشباب الي بيدأوا حياتهم:
ادرس الي بتحبه ، ادرس الي بتحبه ، ادرس الي بتحبه.
ماتخشش كلية علشان مستخسر مجموعك.
ماتدرسش حاجة علشان هي نفسها الي والدك او والدتك درسوه. او علشان الناس بتقولك ان فيها فلوس اكتر.
ما تستسلمش لاي ضغوط غير ضغط الشغف الي بيزن عليك من جوة نخاشيش قلبك.
عارف ليه؟
لأن فيه احساس ابشع من احساس الفشل: وهو احساس انك ندمت علي انك ما جربتش.
انا عندي امشي ورا قلبي وافشل على اني اصحى في يوم بعد فوات الاوان واقول لنفسي ياريتني حاولت.
وعلى فكرة ، الاوان مايفوتش ابداً ابداً. اخترت غلط؟ غير السكة في اي وقت. بكلمك عن تجربة شخصية لم ولن اندم عليها.
تحياتي لك استادنا الغالي ...انا اريد التحوبل الى الفيزياء اتا متخصص هندسة عمري 32 سنة المشكلة اننى لا اعرف هل سادرس الفيزياء من الليساتس او ابحث عن جامعة تقبلنى في الماستر و هل الجامعات online تصلح و معترف بها ...انا ادرس الفيزياء دون ملل وحدي من كتب textbooks
ردحذفأهلا بيك. شوف مقالي "رحلتي مع الفيزياء" علي المدونة هنا يمكن يفيدك.
حذف